Վճարման, վերադարձի և պատվերի չեղարկման կանոններ

1. Ընդհանուր դրույթներ

pay.risefoundation.am կայքի միջոցով «ՌԱՅԶ» ԿՐԹԱԿԱՆ ՀԻՄՆԱԴՐԱՄԻ (ՀՎՀՀ՝ 08298635, հասցե՝ Արամ Խաչատրյան փողոց 3, Արաբկիր, Երևան 0033, Հայաստան) ապրանքների և ծառայությունների պատվերի, վճարման, վերադարձի և պատվերի չեղարկման կարգը սահմանվում է սույն կանոններով։

2. Վճարման եղանակներ

Վճարումը կատարվում է բանկային քարտով՝ Ինեկոբանկի անվտանգ վիրտուալ POS համակարգի միջոցով։ Հիմնադրամը չի հավաքում կամ պահպանում գնորդի քարտային տվյալները․ դրանք մուտքագրվում են միայն բանկի տրամադրած անվտանգ վճարման էջում։

3. Գներ

Ապրանքի կամ ծառայության անվանումը, նկարագրությունն ու գինը ներկայացվում են կայքում՝ գնման պահին։ Գները նշվում են ՀՀ դրամով և ներառում են բոլոր կիրառելի հարկերը։

4. ՀԴՄ կտրոն

Հաջող վճարումից հետո գնորդին տրամադրվում է էլեկտրոնային ՀԴՄ կտրոն՝ ՀՀ ՊԵԿ-ի պահանջներին համապատասխան։

5. Վերադարձի պայմաններ

ՀՀ սպառողների իրավունքների պաշտպանության նոր կարգավորումների համաձայն, որոնք ուժի մեջ են մտնում 2026 թվականի հուլիսի 1-ից, հեռավար եղանակով կնքված գործարքի դեպքում սպառողն իրավունք ունի 14 օրվա ընթացքում հրաժարվել գնումից՝ առանց պատճառաբանության։

5.1. Գրքեր

Գրքերի դեպքում կիրառվում է վերոնշյալ 14-օրյա ժամկետը։ Գիրքը պետք է վերադարձվի ամբողջական և վաճառքի համար պիտանի վիճակում։

Վերադարձի դեպքում գնորդին վերադարձվում է գրքի արժեքը և սկզբնական առաքման վճարը։ Գիրքը հետ ուղարկելու ծախսերը կրում է գնորդը։

Եթե գիրքը ստացվել է վնասված կամ թերի, կամ առաքվել է սխալ ապրանք, ապա հետ ուղարկելու ծախսերը ևս կրում է հիմնադրամը։ Այդ դեպքում գրեք info@risefoundation.am՝ նշելով պատվերի համարը։

5.2. Bebras մրցույթի մասնակցության վճար

Մասնակցության վճարը կարող է վերադարձվել 14-օրյա ժամկետում, քանի դեռ մասնակիցը չի մասնակցել մրցույթին։

Մրցույթին մասնակցելուց հետո ծառայությունը համարվում է ամբողջությամբ մատուցված, և մասնակցության վճարը վերադարձման ենթակա չէ։ Գրանցման պահին գնորդը հաստատում է, որ տեղյակ է այս պայմանին։

Եթե մրցույթը չեղարկվում է հիմնադրամի կողմից, մասնակցության վճարն ամբողջությամբ վերադարձվում է՝ անկախ ժամկետից։

Վերադարձը հաստատելուց հետո գումարը փոխանցվում է վճարման համար օգտագործված քարտին։ Փոխանցման ժամկետը կախված է քարտը թողարկած բանկից։

6. Պատվերի չեղարկում

Պատվերը կարող է չեղարկվել՝

գրքերի դեպքում՝ մինչև դրանք առաքման ուղարկելը,
մրցույթի գրանցման դեպքում՝ վճարումից հետո երկու շաբաթվա ընթացքում, եթե մասնակիցը դեռ չի մասնակցել մրցույթին։

Չեղարկելու համար գրեք info@risefoundation.am՝ նշելով պատվերի համարը։ Հաստատումից հետո գումարը վերադարձվում է այն քարտին, որով կատարվել է վճարումը։

7. Կապ

Հարցերի դեպքում կարող եք դիմել՝ info@risefoundation.am։